الاثنين، 6 يونيو 2011

عابـر سبيـل



نفسى ارجع شريط حياتى من البدايه
نفسى أرجع عمر كله للبدايه
نفسى أرجع للحظة عدت
نفسى أرجع بالزمن لزمان كتير
نفسى أرجع بالزمن لاسباب كتير
نفسى أرجع للحظه وجودى مع ناس فاتونى
نفسى اشوف العمر كله بين عيونى
نفسى تانى أرجع اتكلم معاك نفسى عيونى تكون شيفاك
نفسى ارجع للى طول عمرى عايش ليها
ومش مستحمل اكمل حياتى الا بيها
وازاى ابقى على حبك وقلبك يسيبنى اختار!!
وازاى يجرح ويقسى ولاقلبى ف يوم يحتار
ماطول عمرك يا قلبى وحيد
بتعيش وتقسى بتموت وتحيا
ولا عمرك ف يوم عمرت
ده الطيبه لو هتغيب عمر الى فات مايعود
كان الامل موجود والقلب كله ورود
لكن عمى قلبك خلى ما بينا سدود
كان بينا شوق ومودة كان فى وفا ووعود
لو يوم كيانى فتح شريانى يبات موصود
ده الحب ليكى بله يوماتى ابات محسود
على ايه ياحسره الحسد ده قلبى بالقسى موعود
طبيبى كتبلى الشفا
"قلبك لو يوم وقع عمره مايرجع منصوب "
من حظك المكتوب
يظهر اليكى دليل يشرحلك الرحله
ويخاف عليى عينيكى
بحر الدموع غالى
ويخاف على ايديكى
شوك الفراق مالى
ايامه قبليكى
لكنك انتى يابنتى زي الحصان جامح
رافضه لكلماته
وطريقك انتى امشيه
هتلاقى من الاحزان يملى ديوان وديوان
هتلاقى من الوحده مايقتل الانسان
يوصد بيبان الامل
هتحسى ان ف يوم كان الكلام غالى
هتحسى ان الندم ماعدشى ليه لزمه
اما الدليل بالليل قاعد مع نفسه
لو حس مره عذاب يصرخ مابين نفسه
يشكى الى مولاه وحدته ويأسه
اما انتى يابنتى رحله ومكتوبه
ممكن تكون فرحه او سكه محسوبه
ممكن تكون الحاد
وممكن تكون توبه