جايـز نعيـش

جايز نعيش ونحس ببكانا


 جايز نضحك والحزن جوانا

 يمكن بنضحك لكننا مجاريح

 زي الورق في وسط اصعب ريح

 جايز ندور في الدنيا زي الهوا مراجيح

 جايز صوتنا يعلي يهز اضخم ضريح

 يمكن اعيش وياكي يادمعة

 ويبقي نور الشمس زي نور الشمعة

 جايز احس بغربتي فيكي

 وساعتها تبقي ضحكتي دمعه

 زي اللي حس بغربته في بيت اهله

 زي العالم مايرجع لساعات جاهله

عمري ماتخيلت انك تدبحيني


عمري ماتخيلت اكره ضي رمشك جوا عيني


بَكَرَه الليل والعذاب بكَرَه القلب اللي فيكي داب

بَكَرَه العمراللي كان في ايديكي شب ودلوقت شاااب

بنيت قصرى

بنيت قصري علي كفك

رسمت الورد بيزفك

كتبت اسمي علي توبك

لقيت توبك رمي قصري

   بنيت القصر من تانـى   
  

صممته جدرانه احزانى

سنين بحاول ارجعلك

سنين بقاسي حرماني

ويوم مابقيت هنا جمبك

سرقني العمر من تاني

زرعت في سكتك ورده

سقيت الورده من نيلي

وقولت الورده راح تكبر

واشكلها وتشكيلي

وكبرت وردتي فيكي

وقولت اكيد هترجعلي

لقيت الحزن في عنيكي

ساعتها الفرح ودعني